Возсїѧ́вый во є҆гѵ́птѣ просвѣще́нїе и҆́стины, ѿгна́лъ є҆сѝ лжѝ тьмꙋ̀: јдѡли бо є҆гѡ̀, сп҃се, не терпѧ́ще твоеѧ̀ крѣ́пости, падо́ша. Си́хъ же и҆зба́вльшїисѧ вопїѧ́хꙋ къ бцⷣѣ:
Ра́дꙋйсѧ, и҆справле́нїе человѣ́кѡвъ:
Ра́дꙋйсѧ, низпаде́нїе бѣсѡ́въ.
Ра́дꙋйсѧ, пре́лести держа́вꙋ попра́вшаѧ:
Ра́дꙋйсѧ, јдѡльскꙋю ле́сть ѡ҆бличи́вшаѧ.
Ра́дꙋйсѧ, мо́ре, потопи́вшее фараѡ́на мы́сленнаго:
Ра́дꙋйсѧ, ка́меню, напои́вшїй жа́ждꙋщыѧ жи́зни.
Ра́дꙋйсѧ, ѻ҆́гненный сто́лпе, наставлѧ́ѧй сꙋ́щыѧ во тьмѣ̀:
Ра́дꙋйсѧ, покро́ве мі́рꙋ, ши́ршїй ѻ҆́блака.
Ра́дꙋйсѧ, пи́ще, ма́нны прїе́мнице:
Ра́дꙋйсѧ, сла́дости ст҃ы́ѧ слꙋжи́тельнице.
Ра́дꙋйсѧ, землѐ ѡ҆бѣтова́нїѧ:
Ра́дꙋйсѧ, и҆з̾ неѧ́же тече́тъ ме́дъ и҆ млеко̀.
Ра́дꙋйсѧ, невёсто неневѣ́стнаѧ.