Пропове́дником святы́я ве́ры, Апо́столом Христо́вым, усе́рдне подража́сте в про́поведи Ева́нгелия пра́вды, Космо́ равноапо́стольне, Дамиа́не, Ники́то, Киприа́не и Иа́кове с двема́ ученико́ма твои́ма, за и́мя Христо́во до кро́ве подвиза́вшеся, му́ченическую кончи́ну получи́сте, венцено́сцы добропобе́днии, и ны́не со Христо́м ве́чно ца́рствуете в оби́телех ра́йских, Его́же приле́жно моли́те, нелише́нным бы́ти и нам насле́дия Небе́снаго, вопию́щим Ему́: Аллилу́иа.