Избра́ннии уго́дницы Госпо́дни, духо́вно благоуха́ющии цве́ти са́да Иису́сова, от Святы́я Горы́ Афо́нския в вертогра́д небе́сный вознесе́ннии, и дерзнове́ние ко Го́споду стяжа́вшии, мо́лим вас, отцы́ богоно́снии, моли́твами ва́шими от вся́ких нас бед свободи́те, да зове́м вам хвале́бно: Ра́дуйтеся, преподо́бнии отцы́ Афо́нстии, усе́рднии о душа́х на́ших моли́твенницы.