Днесь проро́чествие во апо́столех Первозва́ннаго испо́лнися:/ се бо на сих гора́х возсия́ благода́ть и ве́ра умно́жися./ И и́же неве́рием обветша́вшии,/ Боже́ственною купе́лию отроди́шася,/ и бы́ша лю́дие обновле́ния,/ ца́рское свяще́ние, язык свят, Христо́во ста́до,/ ему́же ты пе́рвый па́стырь яви́лся еси́,/ я́ко пе́рвее Креще́нием послужи́вый./ И ны́не, предстоя́ Влады́це Христу́ Бо́гу,/ моли́, все́м сыно́м ру́сским спасти́ся:// и́маши бо дерзнове́ние, я́ко иера́рх Бо́жий, и священнослужи́тель.
* * *