Днесь радуется славная страна Сибирь, обре́тши святыя твоя мощи внутрь себе. Архиереи свяще́нницы, воеводы и весь сонм людски́й, духовне веселящеся, вопием ти: о, богомудре Симеоне, избави нас, к тебе прибегающих, от всех бед, прося пода́тися всем по коегождо прошению и избавитися стране сей и граду от огненнаго запале́ния и пога́нскаго нашествия и междоусобныя брани и от всякаго зла. Чтуще же ныне честных и многоцелебных мощей пренесение, новый целебниче, вси мы вопием: слава Давшему тобою всем исцеление.