От юности, богомудре, желанием духовным в пустыню всели́вся, единаго Христа возжела́л еси усердно стопам вслед ходи́ти: темже и а́нгельстии чи́ни зря́ще тя удиви́шася, ка́ко с плотию к невидимым ко́знем подвиза́вся, прему́дре, победил еси полкѝ страстей воздержа́нием и явился еси равноа́нгелен на землѝ, Алекса́ндре преподобне. Моли Христа Бога, да спасет ду́шы нашя.