Днесь восхваляем тя, преподобная мати, великая княгине инокине А́нно: яко бо лоза̀ плодовита посредѐ терния, процвела еси во граде Кашине твоими добродетельми, всех удивила еси чудным твоим житием: темже Христу Богу угодила еси, и ныне радующися и веселящися пребываеши с лики преподобных жен, наслажда́ющися райския красоты̀ и весе́лия. Молим убо тя, моли о нас человеколюбца Христа Бога нашего, даровати нам мир и велию милость.