Антифон 10, глас 6
Одея́йся све́том, я́ко ри́зою, наг на суде́ стоя́ше, и в лани́ту ударе́ние прия́т от рук, и́хже созда́, беззако́ннии же лю́дие на Кресте́ пригвозди́ша Го́спода Сла́вы, тогда́ заве́са церко́вная раздра́ся, со́лнце поме́рче, не терпя́ зре́ти Бо́га досажда́ема, Его́же трепе́щут вся́ческая. Тому́ поклони́мся.
Учени́к отве́ржеся, разбо́йник возопи́: помяни́ мя, Го́споди, во Ца́рствии Твое́м.
Слава, Богородичен: Умири́ мир, от Де́вы изво́ливый, Го́споди, плоть носи́ти за рабы́, да согла́сно Тебе́ славосло́вим, Человеколю́бче.
И ныне, тойже.
Песнопение из службы Страстных Евангелий.