Всечистая Владычице Богородице! Ты непрестанно руце Твои к Рождшемуся из Тебе плотию нашего ради спасения простираеши. Мы же грешнии Тя всегда воспеваем, и Заступницу всему міру исповедуем, и Твое рождество славим. Днесь убо Тебе молимся и к Тебе прибегаем, иныя помощницы паче Тебе, Владычице, не ведуще. Дерзновение имуще всегда, моли, Госпоже, о нас Сына Твоего, Христа Бога нашего, да покровени будем десницею вышняго Содетеля и Промыслителя и Спасителя нашего всегда, ныне и присно и во веки веков.