Царице моя Преблагая, Надеждо моя Пресвятая, Прибежище сирым и странным Заступнице, бедствующих Помоще и озлобляемых Покрове! Зриши мою напасть, зриши мою скорбь: отвсюду искушением одержимь есмь, и заступающаго несть у мене. Ты убо сама помози ми яко немощну, направи мя яко странна, настави яко заблуждша, уврачуй и спаси яко безнадежна. Не имам бо иныя помощи, ни инаго предстательства, ни утешения, токмо Тебе, о Мати всех скорбящих и обремененных! Призри убо на мя грешнаго и во озлоблении сущаго, и покрый мя пресвятым омофором Твоим, да избавлен буду от зол, мя обышедших, и восхвалю всегда препетое имя Твое.