Вечен Боже и Цар на секое создание, кој ме удостои и во овој час, прости ми ги гревовите што ги направив на денешен ден со дело, збор и мисла, и очисти ја, Господи, мојата душа смирена од секаква нечистотија на телото и духот. И дај ми, Господи, во ноќта на овој сон да поминам во мир, та, станувајќи од мојата смирена постела, да го угодам Твоето пресвето име, во сите денови на мојот живот, и да ги победувам телесните и бестелесни непријатели. И избави ме, Господи, од суетните помисли што ме осквернуваат и од лошите похоти. Зашто Твое е Царството и силата и славата на Отецот и Синот и Светиот Дух, сега и секогаш и во вечни векови. Амин.