Владыко Господи Боже наш, едине имеяй безсмертие, во свете живый неприступнем, убиваяй и оживотворяяй, низводяй во ад и возводяй! Ты премудростию создал еси человека, и паки в землю того возвращаеши, душевный долг истязуяй: Тебе молим, приими душу раба Твоего, и упокой его в недрех Авраама и Исаака и Иакова: и даждь ему венец правды Твоея, часть спасаемых, в славу избранных Твоих: да о нихже трудися в міре сем имене Твоего ради, приимет богатное воздаяние во обителех святых Твоих, благодатию и щедротами и человеколюбием Единороднаго Сына Твоего, Господа нашего Иисуса Христа.