Ио́сифа целому́дреннаго и Предте́чи пустыннолю́бнаго воздержа́нию поревнова́в, вся пре́лести ми́ра сего оста́вил еси, преподо́бне, зми́я злоко́зненнаго копие́м терпе́ния низложи́в, го́ры и хо́лмы доброде́тельми твои́ми обла́гоуха́л еси: ересе́й лукавствия посрамля́я, учи́тель равноапостольный преизря́ден яви́лся еси. Те́мже зове́м ти: ра́дуйся, Паи́сие о́тче на́ш, це́ркве правосла́вныя свети́ло лучеза́рное.